(ارحمونا يا بنات).. نداء من الشباب للفتيات اعتراضًا على ملابسهن في الصيف

انا بصراحه حاسه ان الاسر غلطانه والبنات والاولاد غلطنين
نبتدى بالاسر يا سلام لما يبقا الاب ملهوش دعوه بالبيت والام مدلعه البنات البنت من دول تقولها ماما انهرده هنزل مع اصحابى هجيب لبس الام روحى يا حبيبتى ويا سلام لما يبقوا بنات من سن بعض هم اللى بيشتروا حاجه تلاقى الموضوع باظ خالص لان كلهم بيفكروا بنفس الفكر مفيش حد اكبر منهم يقولهم ده ماشى مع تقاليد المجتمع وده لا ويا عينى على البس اللى يشتروه تروح امها تتفاجأ وتيجى هنا الكارسه الام تتفضل تزعق على البس وطبعا ولا هيجيب اى نتيجه لان خلاص البس اتجاب بعد كده الاب يبقا ماشى فى الشارع شايف بنت منظرها فظيع يفضل يشتم من جواه على البنت ويتفاجأ ان ديه بنته يا سلام الاب يفضل يزعق فى الام والموضوع يبوظ خالص وبعد كده البنت لما تنزل تشترى لبس تانى تشتريه زى الاول وخلاص كده هنا طبعا الاسره غلطانه لان مفيش ترابط اسرى نهائى
نيجي للبنت بقا فيه بنات كتير دلوقتى متعرفش عن الدين غير لبس الحجاب والصلاه والصوم وخلاص على كدا متعرفش ان البس من المفروض انه لا يصف ولايشف تلاقى البنت من فوق عمرو خالد ومن تحت عمرو دياب تلاقى الحجاب فوق وبدى كوم اى نعم هو بدى يعنى بيصف بس بنعديها وتلاقى اخر البدى على بدايه البنطلون السلم ههههههههه ومش هقول على الباقى بقا
نروح بقا للشباب دول بقا داهيه دلوقتى فيه ولاد مسلمين مش بيصلوا اكيد بقا دول حياتهم كلها بايظه خالص ميعرفوش غض البصر والنهى عن المنكر وبعد كده يقولوا البنات هى اللى مش كويسه طب مانت لو ابتديت بنفسك وصلحت نفسك كل انسان هيحاول يصلح نفسه وده كله مش هيجي غير لو رجعت لدينك وربك
وانا شايفه ان الاسره غلطانه والبنت غلطانه والولد غلطان
بس ده ميمنعش ان فيه بنات كتير كويسه ولبسها كويس ومحترم ود طبعا بيرجع للمكان اللى هى عايشه فيه اللى هو الاسره يعنى معنى كده ان فيه اسر كويسه وكمان فيه ولاد كويسه
وكفايه بقا كده عشان انا طولت جداااااااااااا

وشكرا جدا يا روميو انك فتحت الموضوع عشان انا كنت متغاظه وعايزه اطلع الطاقه اللى جوايه
تحياتى
ملكة الاحساس